يوجد العديد من الأساليب المستخدمة في عملية إعداد الموازنة السنوية وكل شركة بتختار الأسلوب المناسب لها وفقا لنوع البيزنس ومدي تعقيده والهيكل التنظيمي وفلسفة الإدارة ومن الممكن إن الشركة تتبنى أكثر من مدخل مثلا انها تتطبق المدخل التقليدي في موازنة المبيعات وتطبق مدخل الموازنة الصفرية في موازنة المصاريف الإدارية والبيئية.
أشهر الأساليب المستخدمة في عملية إعداد الموازنة
الموازنة التقليدية (Incremental budgeting)
بتعتمد فيها علي أرقام موازنة السنة ال فاتت أو الأرقام الفعلية مع تعديلات بسيطة زي إضافة معدل التضخم ومن ضمن عيوب المدخل ده ان ممكن نتائج وأرقام السنة الماضية يكون فيها عدم كفاءة وبالتالي انا بنقله معايا السنة الجاية
الموازنة الصفرية (Zero Based Budgeting)
الطريقة دي أكثر موضوعية من الطريقة التقليدية بنبذأ كل حاجة من الصفر وبيكون في اجتماعات ونقاشات وبنرتب الأولويات وكل بند علشان بتحط في الموازنة لازم يكون مبرر وفقا لقاعدة التكلفة والعائد ولكن عيب هذه الطريقة انها مكلفة جدا ومحتاجة وقت ومجهود وعلشان تتغلب علي العيب ده احنا ممكن نطبقها علي بنود معينة فقط ال بيكون فيها تقلبات كتير
الموازنة المستمرة (Contious Budget)
في الطريقة دي بيكون عندنا دايما في أي وقت من السنة موازنة ل ١٢ شهر قدام مثلا احنا عملنا موازنة لسنة ٢٠٢٣ كلها أول ما شهر يناير ٢٠٢٣ يخلص علطول بعمل شهر يناير ٢٠٢٤ وهكذا أو أول ما الربع الأول في سنة ٢٠٢٣ يخلص براجعة وأقيمه وبعدل في الربع التاني والتالت والرابع إن تطلب الأمر وبعدين بعمل موازنة الربع الأول في ٢٠٢٤ لذلك دايما عندي خطة لمده سنة قدام ولكن من ضمن عيوب هذه الطريقة انها تحتاج الي وقت ومجهود وتنسيق مستمر
الموازنة علي أساس الأنشطة (Activity Based Budgeting)
الطريقة دي نفس مفهوم فكرة التكاليف علي أساس الأنشطة التي تستخدم لتوزيع التكاليف الصناعية الغير مباشرة عن طريق ربط التكلفة بمسببات وقوعها باستخدام محرك تكلفة بناءا علي علاقة سببية واضحة وليست مجرد علاقة إرتباط ومن مزايا هذه الطريقة انها تعطينا أرقام ومعلومات أكثر دقة ويعتمد عليها في إتخاذ قرارات استراتيجية مهمة زي التسعير، ويتم أيضا عمل دراسات شاملة وتحليل وفهم عميق للعمليات والأنشطة وتحديد الأنشطة التي لا تضيف قيمة وازالتها أو علي الاقل تقليلها وبالتالي بيكون في رقابة اكتر علي التكاليف والعمليات بتكون أكثر كفاءة وطبعا ده بيسمع معايا في خفض التكاليف علي المدي الطويل ومن ضمن عيوب هذه الطريقة تكلفة تنفيذها عالية وتحتاج الي استثمار في برامج محاسبة منفصلة
