لما بنتسأل عن تصنيف التكاليف بنقول علي حسب حضرتك عايز تصنفها علي بناءا علي ايه لان عندنا تصنيفات كتيرة جدا
Different costs for different purposes
تصنيف التكاليف وفقا لعملية اتخاذ القرار
Relevant and irrelevant cost
تكاليف ملائمة وغير ملائمة
التكاليف ملائمة لعملية اتخاذ القرار اي سيتم أخذها في الاعتبار عند اتخاذ القرار بينما الغير ملائمة سيتم تجاهلها
التكاليف الملائمة هي التكاليف التي تتغير(تختلف) بين البدائل وتحدث في المستقبل
لو انا حاليا بفكر اخد كورس علشان اعد نفسي لامتحان دولي وقدامي اتنين محاضرين وبفاضل بينهم
رسوم دخول الامتحان نفسه في هذه الحالة تعتبر تكلفة غير ملائمة لن تختلف سواء اخدت الكورس عند المحاضر الأول أو الثاني
أيضا لو محتاج اشتري لاب توب علشان اذاكر عليه هذه التكلفة غير ملائمة لأنها لان تختلف بين البديلين
ولنفترض أن تكلفة الكورس مع المحاضر الأول ٥ الاف وتكلفة الكورس عند الأخر هي ٧ التكلفتان هنا مختلفين وسوف يحدثا في المستقبل فهما ملائمين لعملية اتخاذ القرار
هناك تكاليف أخري غير ملائمة
Sunk cost
التكاليف الغارقة : تكاليف تم تكبدها في الماضي ولايمكن تغييرها مثل تكلفة شراء أصل ثابت في الماضي
في مثالنا ال كنا شغالين عليه زي تكلفة كورس تمهيدي (أساسيات) كنت خدته في الماضي تأهيل ليا قبل ما أدخل علي الشهادة
في مغالطة منطقية مشهورة اسمها مغالطة التكلفة الغارقة ال بنقع فيها لما بنكمل في شئ مش كويس نتيجة إن إحنا استثمرنا ودفعنا فيه فلوس
زي انك تكمل في مشروع علي الرغم من انه بيخسر بسبب انك صرفت كتير عليه
او انك تكمل في كورس لايضيف قيمة بسبب انك دفعت فيه رقم كبير ود بيخلي الخسارة تزيد لان كان ممكن منكملش الكورس ده ونشوف حاجة تانيه نستثمر فيها الوقت ال هيضيع في الكورس الذي لا يضيف اي قيمة سواء كملنا في الكورس ده او لا هذه التكلفة لن يتم استرادادها (غارقة) وبالتالي عند اتخاذ قرار كورس جديد من عدمه لايجب الأخذ في الاعتبار هذه التكلفة
Committed cost
تكاليف إلزامية مجبر ادفها في المستقبل نتيجة قرارت تم اتخاذها في الماضي زي تكلفة الإيجار الشهري نتيجة إني دخلت في عقد إيجار لمده سنتين
Opportunity cost
تكلفة الفرصة البديلة
الربح المضحي به نتيجة اتخاذ قرار معين وعدم اتخاذ قرار اخر نتيجة للموارد المحدودة
خسارة الأرباح أو الفوائد من الفرص البديلة الأخرى عند اختيار بديل واحد.
مثلا لو انا قررت أتفرغ للدراسه وقعدت في البيت علشان اذاكر هنا عندي تكلفة فرصة بديلة الا وهي المرتب ال كنت هاخده لو اشتغلت وهنا بافتراض اننا منقدرش نعمل الاتنين مع بعض
مثال اخر لو عندي فرصتين للعمل اني اشتغل في مكتب مراجعة ب 5000وعندي فرصة أخري اني اشتغل في بنك ب 10000 لو اخترت البنك هيكون عندي تكلفة فرصة بديلة ب 5000 ومصاريفي الشهرية 2000
لا تظهر هذه التكلفة في القوائم المالية ولكن تستخدم لحساب الربح الاقتصادي ففي مثالنا هنا الربح الاقتصادي لهذا القرار
Accounting profit = 10000_2000=8000
Economic profit = 8000_5000=3000
Avoidable cost
تكاليف يمكن تجنبها عن طريق عدم اتخاذ قرار معين
زي مثلا لو وقفت الإنتاج مش هتكلف ماود خام وتكاليف العمالة ال أجرهم مرتبط بالانتاج
Unavoidable cost
تكاليف لايمكن تجنبها زي مصروف إيجار نتيجة اننا دخلنا في عقد إيجار لفترة كبيرة
Marginal cost
التكلفة الحدية هي التكلفة الناتجة زيادة الإنتاج بوحدة واحدة
وتستخدم هذه التكلفة في إتخاذ القرارت من خلال مقارناتها مع المنفعة الحدية فإذا كانت أقل من المنفعة الحدية فسنقوم بإنتاج هذه الوحدة وعندما تكون التكلفة الحدية أكبر المنفعة الحدية سوف نعمل علي تقليل الإنتاج حتي نصل الي نقطة التوازن التي تكون فيها المنفعة الحدية مساوية التكلفة الحدية اي انه اذا انتجنا وحدة إضافية بعد هذا الحد ستكون تكلفتها مساوية المنفعة الناجمة عنها وبالتالي لن ننتجها وسنتوقف عند هذا الحد.
كتبه / أحمد عشماوى
