ايه هي أقوى شهادة مهنية ممكن تاخدها في مجالات المحاسبة والتمويل ؟َ!
كتير بيجيلي السؤال ده .. والحقيقة مش بعرف اجاوب عليه و معتقدش أن حد تانى هيعرف يجاوب عليه، وده لسبب بسيط وهو أن السؤال نفسة غلط!!
قبل ما تسأل السؤال ده لازم تكون محدد انت عايز تشتغل فـ ايه بالظبط؟
ولما تقرر ده ساعتها هاقدر أقولك ايه اقوى شهادة مهنية تاخدها (((في المجال اللى انت اخترته)))
الصور المرفقه دى هتقولك ايه الشهادات المهنية المهمة لكل مسمى وظيفي في مجالات المحاسبة والتمويل، الشهادات متقسمة من الأهم فالمهم فالأقل أهمية.
بعد ما تختار المهنة اللى عايز تزاولها وتعرف من الصور دي ايه الشهادات المهمة لها، لازم تبدأ تدور بنفسك على الإنترنت عن معلومات أكتر عن الشهادات دي (بعتذر مش هقدر أرد على أسئلة عن تفاصيل كل شهادة لأن كل المعلومات متوفرة على الانترنت وجوجل هيكون صديقك المقرب في المهمة دي)
نصيحة جانبية: متخليش حد يقولك الشهادة الفلانية صعبة، ويقنعك تبدأ بشهادة تانية عشان هى أسهل وكده، صدقني أى حد (حرفيا) يقدر يبدأ في الشهادات المذكورة في الصور دي بدون ما يكون حصل على شهادات قبلها، فنصيحتي لك ابدأ بأهم شهادة مش بأسهل شهادة.
