بطاقات الأداء المتوازن
هي أحد الأساليب المتطورة المستخدمة في عملية تقييم الأداء وتنفيذ الاستراتيجية من خلال الاعتماد علي اكثر من منظور ( مالي وغير مالي) عشان نشوف الصورة الكاملة وجت فكرتها عشان تحل مشاكل وعيوب مقاييس الأداء التقليدية اللي بيكون معظم تركيزها علي المنظور المالي فقط واللي تسببت في إن نظرة المديرين أصبحت محدودة ومركزة علي الأجل القصير من خلال تحقيق المستهدف من تلك المقاييس وفي معظم الأحيان يكون ده علي حساب نجاح الشركة في الأجل الطويل ومن الأمثلة على ذلك إن المدير ممكن يأجل مصاريف مهمة زي الصيانة علشان يزود الربح في الأجل القصير ويحقق التارجت وياخد البونص ولكن للأسف ده بيضر بمصلحة الشركة ونجاحها علي الأجل الطويل
بطاقة الأداء المتوازن بتقيم الأداء من أربع جوانب
Financial Perspective
الجانب المالي ال بنركز فيه علي الربحية والسيولة ومن أشهر المقاييس المستخدمة العائد علي الاستثمار والدخل المتبقي
Customer Perspective
العملاء وبيكون هدفنا تحقيق رضاء العميل والاحتفاظ بالعملاء الحاليين وجذب عملاء جدد وسرعة الاستجابة للعملاء ومن أشهر المقاييس المستخدمة استطلاع الرأي وكمية المرتجعات وشكاوي العملاء
Internal Business Process
العمليات الداخلية وبيكون هدفنا تحقيق الكفاءة والانسيابية وزيادة الجودة وتقليل الوقت والتكاليف ومن أشهر المقاييس المستخدمة تحليل إنحرافات الكفاءة وكمية التالف والوقت المستغرق في عملية تصنيع المنتج
learning And Growth
التعلم والنمو وبيكون هدفنا في الجانب ده مرتبط بالموظفين ومدي رضاهم والممارسات المتبعة في عملية الاختيار والترقية والتدريب والتطوير المستمر وأهداف أخري مرتبطة بتطوير نظم المعلومات وبالتالي الحصول علي معلومات مفيدة يمكن الاعتماد عليها في عملية اتخاذ القرار ومن أشهر المقاييس المستخدمة معدل دوران الموظفين وعدد ساعات التدريب والتطوير والإنتاجية
بالرغم من إن جانب التعلم النمو هو آخر جانب ولكن هو أول خطوة بنعملها لأن تحقق الأهداف في هذا الجانب ستؤدي الي تحسين العمليات الداخلية وبالتالي إنتاج منتجات ذات جوده عالية وبالتالي هيحصل رضا وولاء عند العملاء وبالتالي أرباح الشركة هتزيد ومن هنا نلاحظ إن الجوانب الأربعة مرتبطة ببعض ومترتتبة علي بعض في لينك بينهم علاقة سبب ونتيجة وطبعا الجوانب الأربعة متسقة مع رؤية واستراتيجية الشركة وأهدافها طويلة الأجل.
بالرغم من هذة المميزات الكبيرة للبطاقات الأداء المتوازن إلا إن بيواجهنا بعض التحدياتو منها مثلا عملية تطبيقها مش سهلة ومحتاجة نظام معلومات قوي مربط الشركة كلها ببعضها بحيث يقدر يجمع البيانات المطلوبة وكمان المعلومات الغير مالية صعب الرقابة عليها ومراجعتها.
